Bulgarskir Turbovokalar

Glas merkir rødd á bulgarskum, og við røddini sum amboði standa seks kvinnur til reiðar at lata eina kensluríka konsertuppliving við bulgarskum fólkavísum í modernaðari trý-seks-raddaðari útseting. Musikkurin er ein serstøk samanrenning av gomlum og nýggjum, ávirkað av eystur- og vesturlendskum siðaarvi. Tekstirnir eru um lívið í Bulgaria og eru alt frá skaldsligum lýsingum av kærleikanum, krígnum og gerandisdegnum til stuttligar og hjartanemandi søgur, sum sangararnir greiða frá á konsertini.

Av tí at Bulgaria er ein musikalskur digul, ið liggur á markinum millum eystur og vestur fara børnini at uppliva, at teir bulgarsku fólkasangirnir líkjast nøkrum tey kenna og kortini bera brá av nøkrum fjarskotnum og ókendum, ið er sermerkt av skeivum rútmum, Hijazz- skalair og eini hvassari raddfyrimynd, ið kann minna um ljóðið av sekkjapípu. Sum við sekkjapípuni hoyrist í sangunum ofta ein grundtóni, ein drona, ið verður hildin javnt sum støði undir melodiunum, ið eru ornamenteraðir við hvinan og rópan, stundum skjótum og intensum og stundum spakuligum og rubato.

Gjøgnum alla konsertina fer Vokalselskabet Glas at greiða frá sangunum og tí bulgarska fólkamusikksiðinum. Børnini skulu bjóða tí hvassa raddklanginum av við eftirlíkning og kallisvari. Síðan skulu tey taka undir við sálminum “Se nu stiger solen af havets skød”, fyrst heilt vanliga og síðan syngur Glas eina versjón, her sálmurin er gjørdur “bulgarskur” við skeivum taktbrigdum, ornamentum og hvøssum klangi. Haraftrat skulu næmingarnir taka undir við eini “dronu”, meðan ein solistur syngur innyvir. Sangararnir í Glas seta seg ímillum næmingarnar og syngja saman við teimum og fara eisini runt í rúminum, so at upplivingin av raddum og ljóði verður varierað.

Røddin er ljóðføri hjá kroppinum, og vit vilja at børnini fara at kenna eina musikksjangru, sum tey ikki beinleiðis leita eftir á YouTube. Alt balkanøkið, sum Bulgaria er ein partur av, er serstakliga kent fyri sín vakra og avbjóðandi fólkamusikk, og av tí at Føroyar sjálvar eiga ein máttugan siðaarv við kvæði og dansi, kenna næmingarnir sín egna siðaarv aftur og spegla hann í einum púra fremmandum siðaarvi.

Vit halda, at børn skulu hava innlit í týdningin av fólkasanginum fyri frásøgn um søguliga vitan, máli og góðum heimaráðum frá ætt til ætt og somuleiðis kenna máttin í musikkinum til at seta orð á kenslur bæði fyrr og nú.

Vokalselskabet Glas framførir acapella og miðlar sostatt, hvat raddir duga saman. Samskiftið beinleiðis frá menniskja til menniskja.

Vokalselskabet Glas hevur síðan 2011 framført á mongum skúlum í Danmark og hevur sera góðar royndir at miðla fyri børnum og ungum.


Heiti: MASS - bloom exploration
Listafólk: Vokalselskabet Glas
Málbólkur: 4. - 7. flokkur, 8. - 10. flokkur
Tal á næmingum: 120
Høli: Fimleikahøll ella onnur høli við góðum akustikki. 2 x 4 m gólv mitt fyri, framvið einum veggi. Næmingarnir sita á gólvinum.
Krøv:
Longd: 45 minuttir
Tíðarskeið: 30. mars - 3. apríl 2020