Blick

Blick er eitt vísindaligt sirkus fyri fólk í øllum aldri við eini røð av óvæntaðum hendingum afturvið framførslu av einum live soundtrack. Við alisfrøðiligum royndum, hugaroki og gyklandi skapan kannar og eygleiðir framførslan, hvussu hugskot verða til. Blick vísir okkum veruligar myndir av tí óveruliga, og úrslitið er sterkari enn gandur, tí her eru eingi fjald kynstur.


Til seinast er ein verkstova, ið eggjar allar áskoðarar til at royna seg við brotum úr framførsluni og gevur teimum møguleikan at síggja gerandisdagin øðrvísi gjøgnum brillurnar hjá Blick!

Bóltar sveima spakuliga í rúminum, til ein træhond hoppar upp og tekur teir. Konsentriskir sirklar balansera á hvørjum øðrum, bond sveima og hanga í rúminum, gyroskop fangað í nótum, veldigir, snúrandi bóltar, og alt er knýtt saman og endar í eini stórfingnari ketureaktión! Eitt hápunkt í framførsluni er 20 stálkúlur hongdar upp eins og Vøggan hjá Newton.


Heiti: Blick
Listafólk: Kapsel / Jay Gilligan og Erik Åberg
Málbólkur: 0. - 3. flokkur | 4. - 7. flokkur
Tal á næmingum: 10 - 80
Høli: 4 x 4 metrar gólv við góðum ljósi og minst 2,5 m loftshædd
Krøv: -
Longd: 45 minuttir
Tíðarskeið: 30. mars - 5. apríl 2020