Færøfejring

FÆRØFEJRING er ein publikumsinkluderendi, tvørlistarlig framførsla, ið fagnar tað danska-føroyska sambandið. Gestirnir á ”Færøfejring” verða presenteraðir fyri ritual og siðir, ið eru kveikt (men ikki kopierað) úr føroyskari mentan og lagað til listarligt avrik sum tónleik, film skaldskap, leik o.a.

Verkætlanin ”Færøfejring” kemur í sambandi við ein vaksandi ans fyri Ríkisfelagsskapinum og serliga fyri áhuganum hjá fólkaskúlanum fyri hesum.

Eitt lið av listafólkum og mentanarfólkum verða boðin til at lata sín lut í tí listagreinini, sum tey vilja. Síðan verður ein tvørlistarlig skrá sett saman úr teirra íkasti. Í løtuni er staðfest, at Eivør Pálsdóttir, Lisbeth Nebelong og Felagið Føroysk Træseglskip eru við.

Soleiðis verður verkið sett saman úr smáum brotum, sum ymisk listafólk hava skapað, og sum øll lata síni boð upp á føroyska mentan. Eg eri einasti leikari: eg eri vertinna, og publikum er gestirnir í hesum fagnaði. Verkini eru ”rættirnir”, sum eg borðreiði við. Brotini eru grundað á kenslur og sansir heldur enn fakta.

Verkið verður skapað við atliti at framførslu bæði á festivalum, í mentanarhúsum, á bókasøvnum, í skúlum og á søvnum í Danmark og Føroyum, og ætlanin er eisini at bjóða til kjak við luttakararnar eftir hvørja framførslu. Kjakið kann t.d. vera um upphav ella stereotypur, og tað verður eitt natúrligt framhald av "fagnaðinum".

”Færøfejring” fagnar okkara skyldskapi, savnar seg um tilknýti og bjóðar Føroyum inn í tilvitanina hjá dønum við veitslu. Verkið skal savna heldur enn spjaða, og tað skal vísa nútíðar ans fyri Føroyum og vera eitt alternativ til tær mangan stereotypu áskoðaninar.
Verkið hevur til endamáls at styrkja sambandið millum Danmark og Føroyum við at kanna, hvat ein kann taka við sær av tú føroyska (veitslu-)andanum til tað Danmark, har Føroyar yvirhøvur ikki eru í tilvitanini hjá fólki, og vit savna okkum meiri um tann globala heimin.

Við hesum verki vil eg granska viðurskiftini millum ”tey” og ”okkum” í einum greinandi karmi (skráin) og vónandi skapa rúmd fyri eini felagsskapskenslu millum gestirnar.


Heiti: Færøfejring
Listafólk: Tam Vibberstoft
Málbólkur: 8. - 10. flokkur
Tal á næmingum: 10 - 30
Høli: -
Krøv: Einfalt anlegg og mikrofon. Videouppvørpa.
Longd: 45 minuttir
Tíðarskeið: 9. - 13. mars 2020