Vælkomin til Listaleypin, skúlaárið 2017-18.

Fjúrtan verkætlanir eru at velja ímillum hetta skúlaárið.

Her er ein vælblandaður leypur at velja í, bæði nýggj andlit og eisini onkrir kenningar, sum hava vitja Listaleypin áður.

Vit gleða okkum øll og vóna, at tit, næmingar og lærarar um alt landið, eisini gleða tykkum og at tit fara at fáa nógv burtur úr vitjanunum. 

Tilmeldingarskjølini eru opin nú og fram til 15. septembur á miðnátt. Eftir tað verður skráin løgd fyri hvørt tiltak og allir skúlar fáa fyrst eini felagsboð um skránna og síðani fáa tit, vertirnir, eisini nærri boð um, hvør vitjar tykkara skúla og nær.